ଗଜପତି ଜିଲ୍ଲା ଗୋଷାଣୀ ବ୍ଲକ ଅନ୍ତର୍ଗତ କତଲକଇଠା ଗ୍ରାମ ଦେଇ ଯାଇଥିବା ୩୨୬/ଏ ଜାତୀୟ ରାଜପଥ ଏକ ଦୁର୍ଘଟଣା ଘଟିଛି । ସୂଚନା ମୁତାବକ ଗୋଷାଣୀ ବ୍ଲକ ଅନ୍ତର୍ଗତ ତାଟିପେଟା ଗ୍ରାମର ଟି ଗିରି ନାମକ ଭାରତୀୟ ସ୍ଥଳସେନାରେ କାର୍ଯ୍ୟରତ ଜବାନ ନିଜର ଛୁଟି ସମୟ ବିତାଇବାକୁ ନିଜ ଘରକୁ ଆସିଥିଲେ ।କୌଣସି ଏକ କାର୍ଯ୍ୟରେ ସେ ନିଜର ସ୍ତ୍ରୀଙ୍କ ସହ ନିକଟସ୍ଥ ପାରଳା ସହରକୁ ଆସି ନିଜ ଘରକୁ ଓଡ଼ି ୦୭ଡି ୧୩୨୨ ନମ୍ବର ବିଶିଷ୍ଟ ଏକ ମୋଟରସାଇକେଲ ଯୋଗେ ଫେରୁଥିବା ବେଳେ କତଲକଇଠା ନିକଟ ଗ୍ରାମ୍ୟ ପାନୀୟ ଜଳ ଯୋଗାଣ କାର୍ଯ୍ୟାଳୟ ନିକଟରେ ଥିବା ଜାତୀୟ ରାଜପଥର ମୋଡ ଠାରେ ଭାରସାମ୍ୟ ହରାଇ ମର୍ମନ୍ତୁଦ ଦୁର୍ଘଟଣାର ସମ୍ମୁଖୀନ ହୋଇଛନ୍ତି ।ଦୁର୍ଘଟଣାରେ ଟି ଗିରୀଙ୍କ ସ୍ତ୍ରୀଙ୍କୁ ଗଭୀର ଆଘାତ ଲାଗିଥିବା ଜଣାପଡିଛି ।ତେବେ କୌଣସି ଏକ କାର୍ଯ୍ୟରୁ ଯୁବସମାଜସେବୀ ଶ୍ରୀ ଆମୋଦ କୁମାର ବର୍ଦ୍ଧନ ଫେରୁଥିଲେ ଏବଂ ଦୁର୍ଘଟଣା କୁ ଦେଖି ଉକ୍ତ ସ୍ଥାନରେ ନିଜ ଗାଡ଼ି ଅଟକାଇ ଦୁର୍ଘଟଣାରେ ଶିକାର ହୋଇଥିବା ବ୍ୟକ୍ତି ମାନଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆମ୍ବୁଲାନ୍ସ ଯୋଗେ ପଠାଇବା ବ୍ୟବସ୍ଥା କରିଛନ୍ତି ।
